Following blindly is good or bad?

Insaan k liye follow karna easy hota hai kyunki usne jyada sochna nahi padta hai. Aur esi nature ki wajeh se aaj ka insan bas puppet ban kar reh gya. Har insaan kisi na kisi insan ko ideal maankar follow karna chaahta hai. Ye parampara ki tareh ho gya hai insaano ki duniya me. Apni samajh se kuch alag karne k badle andhon ki tareh follow karte jate hain koi varification bhi nahi karte khud se. Kehte hain bade buzurgon ki salaah leni chahiye, ye nahi kaha gya ki aankhen band karke follow karni chahiye. Insaano me kahi na kahi vo gehrayi wali soch vo parakh khatm ho gyi hai shayad tabhi ye motivation speech dene wale aur motivational books likhne walon ka vyapar itna fal-fool raha hai. Kabhi kabhi koi thodi alag view se kuch keh deta hai to kabhi to ese logo ko zaroorat se jyada bhaav mil jata hai to kabhi use khalnayak karaar kar diya jata hai. Kabhi to ek insaan aata hai aur khud ko alag saabit kar deta hai bas aur log shuru kar dete hain follow karna aur es tareh hazaron ki sankhya me log putle ban jate hain .  Es follow wali parpara ko chalne wale har tareh ke log hain jo apne apne putlon ko zindgi k tareh tareh ki seekh dete hain. 

Kabhi kabhi esa hota ki ek insaan kuch alag karne jata hai to use dusre jan samuhon ke virodh ka samana karna padta hai. Lekin agar wahi ek insan apni baat pe adig raha aur peeche nahi hata to yahi jan samuh uske anuyayi ho jate hain. Ye kahi kahi hota hai aaj bhi lekin ab jyadatar jo karan hai bahot sare jan samoohon k anuyayi banne ka, vo yahi hai ki log ese aasan samajhte hain. Ek nayi soch lane aur naya raasta dhundhne se log ye behtar samjhte hai ki koi readymade ek vichar de de ya ek raasta hi bta de. Logo k paas aajkal sochne ka waqt nahi hai jisse ki unki thought process affected huyi hain . Aajkal logo ka waqt jyada devices k liye use hota hai aur sabke pass apne apne reasons hote hain. Ek insaan jabtk mobile ya laptop ya tv k pass hota hai tabtk thought process life ke liye create nahi ho pate hain. Insan ka sabse bada shatru es mamle me mobile hai. Aajkal mobile me jyada se jyada followers bnane ki bhi daur lagi rehti hai. Jiske jitne followers vo itna khud ko bada samjhta hai fir chaahe vo Twitter ho , instagram ho ya tiktok etc. Digital Followers k paas kabhi kabhi apne reasons hote hain to kabhi bina reason hi bas follow kar lete hain. 

Ese kabtk log bina samjhe boojhe follow karte rahenge aur kabtk apni zindgi ko dusron k hawale karte rahenge. Uparwale ne aankhen kyun di hai agar duniya dusron ki aankhon se hi dekhna hai to.